Париж "Мастерс". Жокович - Рублёв учрашуви 3 соат, 3 сет давом этди

Ярим финал доирасида кечган сербиялик Новак Жокович ҳамда россиялик Андрей Рублёв ўртасидаги баҳс драматик руҳда бўлиб ўтди. Роппа-роса уч соат давом этган учрашувда дунёнинг биринчи ракеткаси бўлиб турган Жокович иродали ғалабага эришди - 5/7, 7/6(3), 7/5. Теннисчиларнинг ўзаро учрашувларида Новак катта фарқ билан олдинда бормоқда - 5:1. 

Ярим финал давомида дунёнинг бешинчи ракеткаси ҳисобланган Рублёв 16 та эйс ва 2 та брекйка эришиб, 2 та қўшхатога йўл қўйди. Жокович эса 17 та эйс, 5 та қўшхато ва 2 та брейк қайд этди. Сербиялик бу йилги мавсумдаги кетма-кет 17-ғалабасини тантана қилди. Фаолиятида 58-маротаба "Мастерс" турнирлари финалига чиқди, бу эса рекорд ҳисобланади.