20 сен 17:02
Янгиликлар
Париж-2024
Париж Олимпиадасида деярли 39 фоиз спортчи допинг текширувдан ўтди. Қайси мамлакат спортчилари энг кўп текширилди?
ITA Париж Олимпиадасида спортчиларни допинг текширувдан ўтказиш бўйича рекорд ўрнатилгани ҳақида гапирди.
Халқаро тест агентлиги (ITA) умумий ҳисобда 4150 нафар спортчини допинг текширувдан ўтказган. Бу ўйин иштирокчиларининг 38,75 фоизини ташкил этади.
Бу орқали текширувлар сони бўйича рекорд янгиланди. Бу Токиодаги ўйинлардан 4 фоизга, Рио Олимпиадасидан 10 фоизга кўп.
АҚШ, Хитой, Австралия ва Британия мамлакатлари спортчилари қолганларга қараганда кўпроқ текширувдан ўтди.
Енгил атлетика, сув спорти турлари, велопойга, эшкак эшиш ва спорт курашларида энг кўп текширувлар ўтказилган.
Ҳавола :
Манба : ITA
Фикрлар