03 окт 08:30
Янгиликлар
Спорт курашлари
Париж Олимпиадасидан сўнг фаолиятини якунлаган Рустам Ассакалов Ўзбекистон терма жамоаси бош мураббийи этиб тайинланди
Юнон-рум кураши бўйича Ўзбекистон терма жамоаси мураббийлар штабида ўзгариш юзага келди.
Эндиликда терма жамоага собиқ курашчимиз Рустам Ассакалов бош мураббий бўлади. Олдинроқ, мураббийлар штабига яна бир собиқ курашчи, Рио Олимпиадаси совриндори Элмурат Тасмурадов ҳам жалб этилган эди. Шу пайтгача терма жамоага Равшан Рўзиқулов бош мураббий бўлиб келганди.
Маълумот учун, Рустам Ассакалов Ўзбекистон терма жамоси сафида жаҳон чемпионатининг икки карра совриндори (Лас-Вегас-2015 кумуш, Нур-Султон-2019 бронза) бўлган. Осиё ўйинларида уч маротаба ғолиб ва совриндорга айланган.
Шунингдек, уч карра Осиё чемпиони ва тўрт карра совриндори бўлган. Боку-2017 ва Коня-2021 Ислом бирдамлик ўйинларида бронза ва олтин медалларини қўлга киритган эди. У Париж Олимпиадасидаги иштирокидан сўнг профессионал спортчилик фаолиятини якунлаганди.
Ҳавола :
Манба : UWW_UZB
Фикрлар