Париж Олимпиадасининг Ўзбекистондаги трансляция ҳуқуқи харид қилиниш арафасида

Olamsport.com сайтига маълум бўлишича, Париж Олимпиадаси "Зўр ТВ" телеканали орқали намойиш этилиши кутилмоқда. Телеканал бу борада музокараларнинг сўнгги босқичини олиб бормоқда. 

Бир неча кундан сўнг "Зўр ТВ" буни расман эълон қилиши кутилмоқда. 

Маълумот учун, шу пайтгача Олимпия ўйинлари давлат бюджетидан молиялаштириладиган МТРК томонидан намойиш этиларди. Лекин бу сафар компания мана шундай нуфузли мусобақа трансляцияси ҳуқуқини харид қилмади.