Пауэрлифтинг бўйича "Tаshkent Power" халқаро турнири ўтказилди

Шундай бўлса-да, федерация ташаббуси билан мамлакатимизда мунтаззам мусобақалар, миллий чемпионат ва халқаро турнирлар ўтказиш анъанага айланган. Куни кеча ана шундай мусобақалардан бири пойтахтимиздаги "Анҳор Локомотив" паркида бўлиб ўтди.

"Tаshkent Power" номини олган мазкур турнирда нафақат юртимизнинг иқтидорли спортчилари, балки Қозоғистон, Қирғиз Республикаси, Россия, Тожикистон ва Украинадан келган 30 нафарга яқин пауэрлифтингчилар ўз маҳоратларини синовдан ўтказишди. 

Мусобақа Низомига кўра, "ётган холда штангани кўтариш" йўналишида -74, -93 ва +93 кг вазн тоифаларида беллашувлар бўлиб ўтди. Ўзбекистон пауэрлифтинг федерацияси раиси Ислом Исломовнинг маълум қилишича, мазкур турнирни ҳар йили анъанавий равишда ташкил этиш режалаштирилмоқда.

Қизғин беллашувлар якунида ғолиблар номи ҳам аниқланди. Унга кўра, 74 кг вазн тоифасида 165 кг натижа билан ҳамюртимиз Кемран Ширинов ғолибликликни қўлга киритди. Қирғизистонлик Баҳром Собиров иккинчи, Украина вакили Антон Яцевюк учинчи ўринни банд этди.

Шунингдек, ўзбекистонлик Рустам Ҳамдамовга 93 кг вазн тоифасида тенг келадиган рақиб топилмади. У 202,5 кг натижа қайд этди ва ўз вазнида чемпионликни қўлга киритди. Кумуш медаль қозоғистонлик Сергей Юдченкога насиб этган бўлса, ҳамюртимиз Заур Матиев бронза медали билан тақдирланди.

+93 кг вазн тоифасидаги беллашувлар анчайин ҳаяжонли кечди. Якунда 225 кг натижа билан яна бир юртдошимиз Владимир Алимжанов олтин медал соҳибига айланди. Совринли ўринлар қирғизистонлик Авазбек Халиков ва Хуршид Собировларга насиб этди.

Мусобақа якунида ғолиблар қимматбаҳо совринлар ва пул мукофотлари билан тақдирланди.

Илҳом РАҲМОНОВ тайёрлади