04 окт 09:39
Янгиликлар

Теннис

Паула Бадоса Пекин WTA 1000 турнири 1/2 финалида

Хитой пойтахти Пекин шаҳрида ўтказилаётган теннис бўйича WTA 1000 тоифасига кирувчи турнир ўзининг ҳал қилувчи палласига кирди.

Дунёнинг 19-ракеткаси Паула Бадоса мусобақанинг 1/2 финалига йўл олди. Испаниялик теннис маликаси 1/4 финалда WTA рейтингида 595-поғонада бораётган хитойлик Чжан Шуайни мағлубиятга учратди - 6/1, 7/6(4).

Бу теннисчиларнинг ўзаро ўтказган илк учрашуви эди. Паула 85 дақиқа давом этган баҳсда 10 та эйс, 4 та брейк қайд этиб, 5 та қўшхатога йўл қўйди. Бадоса China Open финал чиптаси учун америкалик Коко Гоффга қарши кортга чиқади.