09 июн 20:13
Янгиликлар
Бокс/ММА
Пауло Коста Каннонье билан жангдан бош тортди. Унинг ўрнини ким эгаллаши аниқ
Ўрта вазндаги UFC жангчиси Пауло Коста 21 август куни UFC Fight Night оқшомида Жаред Каннонье билан жанг қилишдан бош тортди.
Жанг оқшом кардининг асосий тўқнашуви бўлиши керак эди. Бу ҳақда ESPN журналисти Брет Окамото ўз манбаларига асосланиб Twitter'да хабар берди. Рад этиш сабаби ҳақида хабар берилмаган.
Маълум бўлишича, энди оқшомнинг асосий жангида америкалик Калвин Гастелум Костанинг ўрнини эгаллайди.
Коста 2020 йил сентябрь ойида Исраэль Адесаньяга ютқазганидан бери жанг ўтказмади. Бразилиялик спортчи Роберт Уиттакер билан апрель ойида учрашиши керак эди, аммо тиббий муаммолар туфайли уни рад этишга мажбур бўлди. Каннонье эса октябрь ойида Уиттакерга ютқазиб қўйиб учта жангдаги ғалабали сериясига чек қўйганди.
Гастелум сўнгги жангини апрель ойида ўтказиб, ҳакамларнинг якдил қарор билан Роберт Уиттакерга ютқазган эди.
Ҳавола :
Манба : championat.com
Фикрлар