Пекин-2022 Олимпиадасида совриндор бўлган россиялик спортчилар қанча мукофот пули олишди?

Ушбу Олимпиада Россия терма жамоаси учун медаллар сони бўйича тарихдаги энг муваффақиятлиси бўлди. Россиялик спортчилар умумий ҳисобда 32 та медалга эга чиқишди: 6 та олтин, 12 та кумуш, 14 та бронза. 

Олимпиада совриндорларига ҳар бир қўлга киритилган медаль учун солиққа тортилмайдиган нақд пуллар тақдим этилади. Унга кўра, қишки Олимпия ўйинларида 1-ўринни қўлга киритган спортчи 53 минг доллар миқдорида мукофотланади. 

1 – ўрин - 53 минг доллар (4 миллион рубль)

2 – ўрин - 33 минг доллар (2,5 миллион рубль)

3 - ўрин - 22,5 минг доллар (1,7 миллион рубль).

Таққослаш учун, Италия олтин медаль соҳибларига 213 минг доллар, Япония 45 минг доллар, АҚШ 37,5 минг доллар пул мукофоти берган.