Пекин-2022. Супергигантда ғолиб ва совриндорлар маълум

Бироз аввал аёллар ўртасидаги тоғ чанғисининг супергигант йўналишида ғолиб ва совриндорлар номи маълум бўлди. Швейцариялик Лара Гут-Бехрами энг яхши натижа билан Олимпиада чемпионига айланди. 

Гут-Бехрами белгиланган масофани босиб ўтиш учун 1 дақиқаю 13,51 сония вақт сарфлади. Австриялик Мирьям Пухнер (ғолибага +0,22 сония ютқазди) кумуш медални қўлга киритган бўлса, яна бир Швейцария терма жамоаси аъзоси Мишель Гизен (+0,30) бронза медалига эга чиқди.

Россия терма жамоасининг супергигант мусобақасида иштирок этган ягона вакиласи Юлия Плешкова чемпионга 1,75 сония ютқазиб, 18-ўрин билан кифояланди. "Яньцин Алпин Скиинг" стадионида ўтган супергигант баҳсларида жами 44 спортчи иштирок этди. Улардан икки нафари финишга етиб кела олмади.