09 дек 16:05
Янгиликлар

Бошқалар

Пенчак силат спорт турининг йил сарҳисоби ўтказилди

Мамлакатимизда оммавий спортни ривожлантириш, ёшларни соғлом турмуш тарзи билан ошно тутинишга жалб этишда бир қатор спорт турлари сингари шарқона якка кураш йўналишларидан бири бўлган пенчак силатнинг ҳам ўз ўрни бор.

Ўтаётган йил давомида мамлакатимиз спортчилари Индонезия халқининг миллий спорт тури бўлган пенчак силат йўналишидаги бир қатор мусобақаларда, халқаро турнир ва чемпионатларда муносиб натижаларга эришди.

Жумладан, Ўзбекистон терма жамоаси аъзолари Бирлашган Араб Амирликларининг Дубай шаҳрида ўтган қитъа чемпионатида 2 та олтин, 2 та кумуш ва 4 та бронза медалига мушарраф бўлиши ўзига хос натижа бўлди.

Куни кеча пойтахтимизда мамлакатимизнинг барча вилоятларидан мураббий ва мутахассислар иштирокида ўтказилган Ўзбекистон пенчак силат спорт федерациясининг жорий йил якунлари ва келгуси йил спорт тақвим режасига бағишланган йиғилишда ушбу муваффақиятлар эътироф этилиб, келгуси йил режалари белгилаб олинди.

2024 йилги халқаро мусобақалар, жаҳон ва қитъа чемпионатларида муносиб натижаларга эришиш, терма жамоаларни техник-тактик маҳоратини ошириш масалалари муҳокама қилинди.

Йиғилиш якунида Ўзбекистон пенчак силат федерациясининг раҳбар органи сайланди.