24 мар 10:41
Янгиликлар

Бошқалар

Пенчак-силат: “Юнусобод” спорт мажмуасида Ўзбекистон чемпионати бўлиб ўтмоқда

Пойтахтимиздаги “Юнусобод” спорт мажмуасида спортнинг Пенчак-силат тури бўйича Ўзбекистон чемпионати ўтказилмоқда.

Мусобақада республикамизнинг барча ҳудудларидан 1 000 нафарга яқин иштирокчи ғолиблик учун баҳс олиб боришмоқда. Ўзбекистон чемпионатида 9 ёшдан 45 ёшгача бўлган спортчилар ўз маҳоратларини намойиш этишади.

Ушбу мусобақа турли ёш тоифалари бўйича терма жамоаларимизша муносиб номзодларни саралаб олиш мақсадида ўтказилмоқда. Миллий терма жамоамизни эса олдинда жорий йил июнь ойида Малайзияда бўладиган Жаҳон чемпионатига кутиб турибди.

Шуни таъкидлаш керак, мамлакат чемпионатида терма жамоаларимиз сафида энг нуфузли мусобақаларда қатнашган номдор спортчиларнинг аксарияти иштирок этишяпти. Бу эса мусобақа нуфузи юқори эканидан дарак беради.