27 авг 07:31
Янгиликлар

Бокс/ММА

Пимблетт, Холлоуэй ва Стивсон "ғалабалари сабаб" жаримага тортилди

Невада штати спорт комиссияси UFC`нинг уч нафар машҳур жангчисига шахсий жарималар белгилади.

Британиялик Пэдди Пимблетт, америкаликлар Макс Холлоуэй ва Гейбл Стивсон UFC 329 турниридаги ғалабаларини октагон ташқарисида нишонлаганликлари учун 2500 АҚШ долларидан жарима тўлайдилар.

Расмийлар 2018 йилда Хабиб Нурмагомедов Конор Макгрегор устидан қозонилган ғалабадан сўнг томошабинлар залида ирландиялик жангчининг жамоа вакиллари билан тўқнашиб кетганидан кейин, штат ҳудудида жангчиларнинг қафас устидан сакрашини тақиқлаб қўйган эди.

Аввалроқ комиссия Пимблетт, Холлоуэй ва Стивсоннинг ушбу турнирдаги чиқишлари учун гонорарларини музлатиб қўйгани хабар қилинганди. Эндиликда уларнинг гонораридан жарима суммалари ушлаб қолинади. Регламентни бузган жангчиларга нисбатан бошқа қўшимча санкциялар кўзда тутилмаган