Пинчак силат. Ёшларимиз ЖЧда 4та медалга эга бўлишди

Йигирмадан зиёд мамлакат спортчилари иштирок этган нуфузли мусобақада Азиз Жўрабоев бошчилигидаги ёшларимиз якунда битта олтин, битта кумуш ҳамда иккита бронза медалини қўлга киритиди.

Бу эса терма жамоамизга якунда умумжамоа ҳисобидан кучли тўртликдан жой олиш имконини берди. Куни кеча пинчак силат федерациясида ўтказилган тақдирлаш маросимида ғолиб спортчиларга сертификатлар топширилди:

Жаҳон чемпионатида илк бор иштирок этишига қарамай, кизлар ўртасида  Дилноза Файзуллаева барча рақибаларини мағлуб этиб, олтин медал билан тақдирланди. Шунингдек, Азиз Файзуллаев кумуш, Ибодулла Матлабов, Диёрбек Ғойипов бронза медалига сазовор бўлди.

Энди ёшлар терма жамоамиз аьзолари 24-29 июнь кунлари Озарбайжонда ўтказиладиган жаҳон Кубоги баҳсларида иштирок этишади. Катталар терма жамоаси спортчилари эса сентябрь ойида Вьетнамда бўлиб ўтадиган соҳил спорт турлари бўйича Осиё ўйинларида юртимиз спорт шарафини ҳимоя қиилшади.