Питбулл UFC`даги иккинчи рақибини билиб олди

Бразилиялик аралаш яккакураш устаси Фрейре 12 апрель куни дунёнинг энг кучли лигасида дебют қилган ва унинг бу уриниши омадсиз бўлганди. Патрисио Майамида ўтган UFC 314 турнирида Яир Родригесга ҳакамларнинг якдил қарори билан имкониятни бой берган эди. 

Қизиғи, унинг бўлажак рақиби америкалик Дэн Иге ҳам айнан Майами турнири кардида жанг қилганди. Фрейредан фарқли равишда Иге учинчи раундда Шон Вудсонни техник нокаутга учратганди. Бу билан Дэн кетма-кет иккита мағлубиятини ғалаба билан ёпишга муваффақ бўлган эди.  

Пастрисио Фрейре - Дэн Иге жанги 19 июль куни Янги Орлеан шаҳрида ташкил этиладиган UFC 318 турнири доирасида ўтказилади. Айни пайтда Иге ярименгил вазн тоифаси рейтингида 14-ўринни эгаллаб турибди. Патрисио эса ҳали Топ-15`га кирмаган.