09 мар 13:41
Янгиликлар

Триатлон

Плишкова Дубайда 125-ракеткага ютқазиб қўйди

Дубай шаҳрида теннис бўйича нуфузли WTA турнири бўлиб ўтмоқда.

Бироз кутилмаганда дунёнинг 75-ракеткаси бўлиб турган Кристина Плишкова Dubai Duty Free Tennis Championships мусобақасининг илк даврасидаёқ ютқазиб қўйди. Чехиялик теннисчи рейтингнинг 125-поғонасидан жой олган ватандоши Тереза Мартинцовага имкониятни бой берди - 6/7(5), 7/6(6), 3/6.

Кристина 2 соату 22 дақиқа давом этган баҳсда 9 та, Тереза эса 4 та эйс зарбани амалга оширди. Мартинцова ўзаро учрашувларда энди икки ғалаба фарқи билан олдинга чиқиб олди - 3:1. Тереза Дубай турнирининг иккинчи даврасида нидерландиялик Кики Бертенсга қарши кортга чиқади.