09 июн 10:10
Янгиликлар

Спорт курашлари

Poland Open. Қурбоновда кумуш, Шавкатовда бронза + ФОТО

Польша пойтахти Варшава шаҳрида спорт курашлари бўйича анъанавий халқаро турнир бўлиб ўтмоқда.

Poland Open рейтинг турнирида дунёнинг кўзга кўринган эркин, юнон-рум ва аёллар кураши вакиллари иштирок этяпти. Улар орасида юртимиз шарафини эркин ва юнон-рум курашчиларимиз ҳимоя қилишмоқда.

Кеча Варшава турнирида эркин курашчилар баҳсларни бошлаб беришди. Терма жамоамиз аъзоларидан тажрибали Рашид Қурбонов ҳамда Маҳмуд Шавкатов якунда ғолиб ва совриндорлар сафидан жой олишди. 57 кг вазнда курашган Шавкатов бронза, 79 кг вазн тоифасида гиламга чиққан Қурбонов кумуш медалга сазовор бўлди.

Қурбонов чорак финалда польшалик Матеуш Кампикни 10-0, ярим финалда литвалик Вадим Бабускинни 10-0 ҳисобида енгди. Олтин медаль учун кечган муросасиз беллашувда эса словакиялик Ахсарбек Гулаевга кичик ҳисобда ютқазиб қўйди.