Поло бўйича минтақавий босқич ғолиблари аниқланди

Мамлакатимизда от спорти турларини янада ривожлантириш, янги авлод чавандозларини тайёрлаш ва тарбиялаш, ёшлар ўртасида от спортини тарғиб қилиш ҳамда оммалаштириш борасида кенг кўламдаги ишлар олиб борилмоқда.  

Бунда давлатимиз раҳбарининг 2021 йил 11 мартдаги “Йилқичилик ва от спортини янада ривожлантириш ҳамда замонавий бешкураш ва поло спорт турини оммалаштириш бўйича қўшимча чора-тадбирлар тўғрисида”ги қарори дастуриламал вазифасини бажармоқда. 

Қарор ижросини таъминлаш мақсадида ҳар бир ҳудудда Чавандозлар мактаби ташкил этилиб, от спортининг бешкураш ва поло спорт турини ривожлантирган ҳолда турли мусобақалар ташкил этилмоқда.  

Мусобақада Навоий, Самарқанд ва Бухоро вилоятининг Чавандозлар мактабидан чавандозлар иштирок этиб, ўзаро беллашди. Беллашувларда қуйидаги ҳисоблар қайд этилди: Самарқанд - Бухоро 1-0, Навоий - Самарқанд 5-0, Навоий - Бухоро 5-1.  

Якунда 1-ўринни Навоий, 2-ўринни Самарқанд ва 3-ўринни Бухоро вилояти Чавандозлар мактаби жамоаси қўлга киритди.