Попда ёш белбоғли курашчилар мамлакат чемпионлиги учун беллашишмоқда + ФОТО

Мазкур Ўзбекистон чемпионатида Қорақалпоғистон Республикаси, Тошкент шаҳри ва барча вилоятлардан 400 нафарга яқин спортчи-ўқувчилар белгиланган вазн тоифаларида ғолиблик учун куч синашишмоқда.  

Мусобақа регламинтига кўра, дастлаб чемпионатнинг тантанали очилиш маросими ташкил этилди. Байрамона безатилган спорт залида ўтган очилиш маросимида сўз олган Ўзбекистон белбоғли кураш федерацияси раиси Равшан Дастиров ва бошқалар юртимизда жисмоний тарбия ва спортга, хусусан, миллий спорт турларимизга қаратилаётган юксак эътибор хусусида алоҳида тўхталиб, мусобақа иштирокчиларига омад тилашди.

Шундан сўнг беллашувларга старт берилди. Белбоғли кураш федерацияси бош котиби Абдихалил Маликов бошчилигидаги мусобақа ташкилотчилари беллашувларни қизғин ва кўтаринки руҳда ўтишини таъминлаётган бўлишса, ҳакамлар ҳайъати раиси Тошкентбой Яхшибоев раҳбарлигида бир гуруҳ тажрибали ҳакамлар ҳар бир вазн тоифасида полвонларнинг чиқишларини баҳолаб боришмоқда. 

Попдаги чемпионат 12 апрелга қадар давом этади.

Илҳом РАҲМОНОВ тайёрлади