26 янв 10:25
Янгиликлар

Спорт курашлари

Поречда халқаро ўқув-машғулот йиғини давом этмоқда + ФОТО

Шу кунларда Равшан Рўзиқулов мураббийлигидаги Ўзбекистон юнон-рум кураши терма жамоаси Хорватиянинг Пореч шаҳрида ташкил этилаётган халқаро ўқув-машғулот йиғинида иштирок этяпти.

Ушбу йиғинда 18 давлат терма жамоалари қатнашяпти. Жамоалар гуруҳларга бўлинган ҳолда ўйин турлари, гиламда кураш, бассейн, кросс ҳамда тренажёр залидаги машғулотларда биргаликда шуғулланишмоқда.

Юнон-рум курашчиларимиз А гуруҳида Украина, Хорватия, Швейцария, Франция ва Греция терма жамоалари билан ҳамкорликда машғулот ўтказяпти. 29 январга қадар давом этадиган йиғинда Финляндия, Норвегия, Швеция, Литва, Эстония, Чили, Польша, Италия, Молдова, Чехия, АҚШ, Руминия каби терма жамоалар иштирок этмоқда.