03 дек 14:01
Янгиликлар

Спорт курашлари

Пойтахтимизда эркин ва юнон-рум кураши бўйича мусобақа старт олмоқда

3-5 декабрь кунлари пойтахтимизда 2005-2006 йилларда таваллуд топган спортчилар ўртасида эркин ва юнон-рум кураши бўйича мусобақа бўлиб ўтади.

Ўзбекистон Республикаси Конституцияси кунига бағишланган "Ёш ботирлар" турнирида юртимизнинг турли ҳудудларидан ёш полвонлар совринли ўринлар учун кураш олиб боришади.

Режа бўйича бугун мандат комиссияси ва жамоалар вакиллари йиғилиши ташкил этилади. Эртага эса беллашувларга старт берилади. 5 декабрь куни ҳал қилувчи финал жанглари ташкил этилади.

Мусобақага пойтахтимиздаги Республика Олимпия захиралари мактаб-интернати мезбонлик қилади.

Баҳслар Олимпия вазн тоифаларида ташкил этилмоқда.