Пойтахтимизда таэквондо WT бўйича халқаро турнир старт олди

Ўз тарихида 15-маротаба ташкил этилаётган мусобақада 2007 йилдан олдин туғилган катталар, шунингдек, кадетлар, ўсмирлар ҳамда 2013-2014 йилларда туғилган кичик ўсмирлар ўртасида кёриги беллашувлари, шунингдек, барча ёш тоифаларида пумсе йўналишидаги баҳслар ва паратаэквондо мусобақаси ўтказилади.

Мусобақанинг бугунги куни доирасида ўсмирлар ўртасида кёриги ва барча ёш тоифаларида пумсэ баҳслари бўлиб ўтмоқда.

Қайд этиш жоиз, мусобақада Республикамизнинг барча ҳудудларидан, бундан ташқари, қўшни мамлакатлар - Тожикистон, Қозоғистон, Қирғизистон ва Россиядан келган жами 1000 нафарга яқин спортчилар ғолиблик учун кураш олиб бормоқда.