01 сен 08:37
Янгиликлар

Бокс/ММА

Пратес Ислам Махачевни нокаут эвазига мағлуб этмоқчи

Ярим ўрта вазн тоифасидаги бразилиялик Карлос Пратес чемпион Ислам Махачев устидан ғалаба қозонишига ишончи комил эканини айтмоқда.

У бўлажак эҳтимолий жангни Андерсон Сильва ва Чейл Соннен ўртасидаги қарама-қаршиликка қиёслади.

"Сильванинг Чейл Соннен билан жангига қаранг: биринчи раундда Чейл тепа позицияни эгаллаб, маунтга чиқди. Иккинчи раундда эса Сильва шу ишни бажарди ва рақибини нокаут қилди.

Ўйлайманки, мен билан ҳам худди шундай ҳолат юз беради. Дастлаб мени қаттиқ калтаклашади. Кейин ўрнимдан туриб, унга зарар етказа бошлашим биланоқ, тўртинчи ёки бешинчи раундда Махачевни нокаут қиламан", — дея Пратеснинг сўзларини келтиради MMA Fighting нашри.

Яқинда чемпионлик ҳимоя жангини муваффақиятли ўтказган Ислам Махачев кейинги рақиби сифатида айнан Пратесни кўраётганини айтганди. Бу жангнинг Рамазон ойигача ўтказилиши кутилмоқда.