Пратес Махачевни мағлуб этиш калитини унинг Гэрри билан жангида топди

"Ростини айтсам, бу жангни кўргандан кейин ўзимга бўлган ишончим янада ортди. Кўрганларим ва тайёргарлик учун қанча вақтим борлигини ҳисобга олсак, мен уни ҳақиқатан ҳам мағлуб эта оламан деб ўйлайман.

Йеннинг баъзи позицияларда қандай ҳимояланганини кўрдим, бу худди мен панжарага суянганимда қиладиган ҳаракатларимга ўхшайди ва ўзимга: "Бу худди мен қиладиган иш-ку", деб ўйладим. Мен ҳатто Йеннинг ўзига қарши ҳам бир неча бор шундай ҳимоядан фойдаланганман.

Мачадо бўйдор, шунинг учун Махачевга унинг орқа томонига ўтиш ва оёқлари билан назоратни ўрнатиш қийин бўлди. Ўшанда ўзимга мен ҳам бунга мослаша олишимни айтдим. Ўйлайманки, бу йигитнинг иши битди – мен унга етиб бораман", — деди бразилиялик жангчи Гильберт Бёрнсга берган интервьюсида.

Ирландиялик рақибини ҳакамларнинг якдил қарори билан мағлуб этган Ислам Махачев Карлос Пратесни ўзининг навбатдаги рақиби сифатида кўраётганини ва жорий йил охири ёки келаси йил бошида у билан октагонда тўқнаш келишга тайёрлигини маълум қилганди.