01 сен 16:56
Янгиликлар

Бокс/ММА

Проф боксда амалдаги энг ёш жаҳон чемпиони илк ҳимоя жангини ўтказади

Пуэрто-риколик 22 ёшли Ксандер Заяс (22-0, 13 КО) ҳозирда дунёнинг энг ёш профессионал боксчи ҳисобланади.

Мағлубият нималигини билмай келаётган Заяс йил охиригача ўз ватани Пуэрто-Рикода илк чемпионлик ҳимоя жангини ўтказишни мақсад қилган.

"Хоҳлардимки, биринчи чемпионлик ҳимоя жангим ватаним Пуэрто-Рикода ўтсин. Мен ўз юртимда фақат бир мартта - проф боксдаги тўртинчи жангимда рингга чиққанман. Ватанимга чемпион сифатида қайтиб, жанг ўтказиш истагидаман", — деди Заяс.

Маълумот учун, Ксандер Заяс биринчи ўрта вазн тоифасидаги вакант бўлиб қолган WBO чемпионлик камарини 26 июль куни Нью-Йоркда ўтган бокс оқшомида қўлга киритганди. Ўшанда у мексикалик Хорхе Гарсия Перес (33–5, 28 КО)ни ҳакамларнинг якдил қарори эвазига мағлубиятга учратган эди. Бу камар Себастьян Фундора томонидан вакант қолдирилганди.