Жейрон Эннис энди икки вазн тоифасида жаҳон чемпиони

Ярим ўрта вазн тоифасида собиқ жаҳон чемпиони Эннис биринчи раунддаёқ амалдаги чемпионни нокдаун ҳолатига туширди. Пуэрто-Риколик 23 ёшли Заяс учинчи раундда ташаббусни қўлга киритишга муваффақ бўлди, аммо Эннис тезда қайтди ва зарбалар алмашинувида яна устунликни қўлга киритди.

Бешинчи раундда Заяс оғир нокдаунга учради ва раунд охиригача зўрға чидади. Танаффусда уни шифокор кўрикдан ўтказди, ҳакам эса жуда кўп зарбаларни ўтказиб юбораётганини айтди. Еттинчи раундда яна бир нокдаундан сўнг ҳакам жангни тўхтатди.

Ғалабадан сўнг Эннис ҳар қандай жангга тайёрлигини маълум қилди: WBC чемпиони Себастьян Фундора ёки IBF чемпиони Жош Келлига қарши чемпионлик камарларини бирлаштириш ва баҳорда режалаштирилган, аммо Ортиснинг ўз промоутерлари билан зиддияти туфайли амалга ошмаган Виржил Ортисга қарши катта жанг.

Ушбу бокс оқшомининг бошқа жангларида истиқболли боксчилар навбатдаги муддатидан олдинги ғалабаларни қўлга киритди. Жаҳон чемпиони Фернандо Варгаснинг ўғли 22 ёшли америкалик Эмилиано Варгас (18-0, 15 КО) тўртинчи раундда Брайс Миллсни нокаутга учратди.

Британиялик 29 ёшли Бенжамин Уиттакер эса Ричард Риверани иккинчи раундда нокаутга учратиб, ярим оғир вазн тоифасидаги WBC Silver чемпионлик камарини ҳимоя қилди.