Шаҳрам Ғиёсовнинг вазнидаги Жейрон Эннис икки йўналиш чемпиони билан музокара олиб бормоқда

"Музокаралар давом этмоқда, - деди Эннис манфаатларини ҳимоя қилувчи Эдди Хирн Boxingscene нашрига берган интервьюсида. - Эннис апрель-май ойларида рингга чиқиши керак эди, ҳозир гап кўпроқ июнь ойи ҳақида кетмоқда. Аммо бу кенг кўламли жанг бўлишига кафолат бераман. Ўйлайманки, масала кейинги ҳафтанинг охиригача ҳал бўлади".

Промоутернинг сўзларига кўра, дастлаб Заяс жамоаси IBF чемпиони Жош Келли билан бирлаштирувчи жангга мойил эди, аммо Эннисга қарши жанг улар учун молиявий жиҳатдан қизиқроқ кўринади.

"Айтганча, Жош Келли ҳам Жейрон Эннис билан учрашиши эҳтимолдан холи эмас, - дея қўшимча қилди Хирн. - Лекин мен унинг ихтиёрий равишда ҳимояланишига ҳам қарши бўлмайман. У яқиндагина Баҳром Муртазалиевни дўппослаганини унутманг. Шундан сўнг Эннис билан жанг ўтказиш ортиқча бўлиши мумкин".

Эслатиб ўтамиз, Заясга тегишли WBA камари учун россиялик боксчи Павел Сосулин мажбурий даъвогар ҳисобланади.