Прохазка октагонга қачон қайтишини айтди

"Ўйлайманки, июль-август ойларида, тахминан, олти ойдан етти ойгача вақт оралиғида қайта оламан. Мен тезликда қайтишни хоҳламайман. Бу энг яхши вариант эмас. Менинг танам 200 фоиз тайёр эканлигига ишонч ҳосил қилишим керак. Ўйлашимча, ёзда қайтаман. Менга вақт беринг", - деди Прохазка MMAFightingonSBN каналида.

Эслатиб ўтамиз, ўтган йилнинг декабрь ойида Иржи Прохазка Гловер Тейшейра билан реванш жангини ўтказиши керак эди, бироқ елкасидан олган оғир жароҳати туфайли у чемпионлик камаридан воз кечди. 

Натижада Магомед Анкалаев ва Ян Блахович чемпионлик учун кураш олиб боришди, аммо ҳакамларнинг қарори билан жанг дуранг билан якунланди ҳамда камар вакант қолди. Шундан сўнг, UFC январь ойида Тейшейра ва Жамол Хилл ўртасида чемпионлик жанги бўлиб ўтишини маълум қилди.