28 янв 08:41
Янгиликлар

Спорт курашлари

PWL 11. Заурбек Сидаковнинг Тошкентдаги рақиби эълон қилинди (ПОСТЕР)

27 март куни Тошкентдаги "Ҳумо Арена" мажмуасида спорт курашлари бўйича PWL 11 мусобақаси ўтказилади.

Лига матбуот хизмати турнирда иштирок этадиган россиялик эркин курашчи Заурбек Сидаковнинг рақибини эълон қилди.

Токио-2020 Олимпия ўйинлари ғолиби PWL 11 мусобақасида япониялик Жаҳон чемпиони Кота Такахаши билан баҳс олиб боради. Беллашув 74 кг вазн тоифасида ўтказилади.

Аввалроқ, турнирда Заурбекнинг Ўзбекистон терма жамоаси аъзоси, Париж-2024 Олимпия ўйинлари ғолиби Разамбек Жамалов билан тўқнаш келиши ҳақида хабарлар тарқалган эди.