Қарши футбол маҳорати мактабида фавқулодда вазиятлар бўйича ўқув-машғулот тадбири ўтказилди + ФОТО

Ўзбекистон Республикаси Вазирлар Маҳкамасининг 2020 йил 26 августдаги “Ўзбекистон Республикаси Фавқулодда вазиятларнинг олдини олиш ва бундай вазиятларда ҳаракат қилиш давлат тизимини янада такомиллаштириш тўғрисида”ги 515–сонли қарори ҳамда Ўзбекистон Республикаси Жисмоний тарбия ва спорт вазирининг 2021 йил 15 январдаги “Жисмоний тарбия ва спорт вазирлиги тизимидаги спорт таълим муассасаларида фавқулодда вазиятлардан муҳофаза қилиш чораларини кучайтириш тўғрисида”ги 52-сонли буйруғи ижросини таъминлаш мақсадида Қашқадарё вилояти футбол маҳорат мактабида ўқув-машғулот бўлиб ўтди.

Қарши шаҳар Фавқулодда вазиятлар бўлими билан ҳамкорликда ўтказилган мазкур тадбирда дастлаб, футбол маҳорат мактабининг ишчи-ходимлари ва футболчи-ўқувчиларидан иборат 7 та йўналиш бўйича фуқаро мухофазаси гуруҳлари тузилди.

Ушбу 7 та фуқаро мухофазаси гуруҳлари мутахассислар кўмагида фавқулодда вазиятлар хавфи туғилганда, яъни зилзила вақтида, ёнғин содир бўлганида ёки шунга ўхшаш салбий ҳолатлар кузатилганда огоҳлантириш сигналларини чалиши, қандай қилиб мухофазалиниши, жабрланганларга биринчи ёрдам кўрсатиш, жамоавий ва шахсий ҳимоя воситаларидан фойдаланиш каби қатор қоидалар ва услулларни кўрсатиб беришди.

Шунингдек, соха мутахассислари томонидан ботулзм, қутириш каби касалликларининг салбий оқибатлари ва бу касалликлардан сақланиш бўйича батафсил тушунчалар берилди.

Кўргазмали асбоб-ускуналар орқали берилган тавсиялар тадбир иштирокчиларига янаям тушунарли бўлди.

Ўқув-машғулот тадбирида вилоят жисмоний тарбия ва спорт бошқармаси бошлиғи Комил Холматов иштирок этди.

Қашқадарё вилояти футбол маҳорати мактабининг маънавий-маърифий ишлар бўйича директор ўринбосари Шавкат РЎЗИЕВ, ўз мухбиримиз Илҳом РАҲМОНОВ тайёрлади