Қарши “Фьючерс”. Файзиев бир, Султонов иккинчи рақам остида сараланди

Соврин жамғармаси 15 000 АҚШ долларини ташкил қилувчи мусобақада дунёнинг бир нечта давлатлари қаторида ўзбекистонлик теннисчила ҳам бош соврин учун баҳс олиб боришяпти. 

Жумладан, Санжар Файзиев Қарши турнирининг биринчи, Ҳумоюн Султонов иккинчи рақамли теннисчиси сифатида сараланди. Файзиев илк даврада россиялик Сергей Шипиловга, Султонов эса беларуслик Александр Лиаоненкога қарши кортга чиқади. 

Қолган ҳамюртларимизга тўхталадиган бўлсак, Олимжон Набиев биринчи босқичда украиналик Олег Хотков, Иброҳимжон Ўринов россиялик Владислав Свериденко, Саидаъло Саидкаримов яна бир рус теннисчиси Роман Блохин, Сергей Фомин россиялик Егор Носкин, Марк Трякшин қозоғистонлик Бейбит Жукаев, Григорий Коробейников эса беларуслик Мартин Борисюкка қарши баҳс олиб боради.