09 окт 15:49
Янгиликлар

Теннис

Қарши "Фьючерс". Санжар Файзиев илк учрашувини ўтказди

Хабар берганимиздек, Қарши шаҳрида теннис бўйича "Фьючерс" туркумига кирувчи турнир бўлиб ўтмоқда.

Соврин жамғармаси 15 000 АҚШ долларини ташкил қилувчи турнирда яккалик баҳсларининг биринчи давра учрашувлари якунига етиб бормоқда. Ҳозиргина мусобақада биринчи рақам остида таснифланган Санжар Файзиев биринчи босқичдаги учрашувини якунлади.

Ҳамюртимиз саралаш турнири орқали асосий тўрга етиб келган россиялик Сергей Шипиловга қарши кортга чиқди. Файзиев 1 соату 17 дақиқа давом этган учрашувида рақибини 6:4, 6:3 ҳисобида мағлуб этди. Энди Санжар иккинчи босқичда яна бир ҳамюртимиз Григорий Коробейниковни синовдан ўтказади.