Қаршида волейбол бўйича очиқ турнир ўтказилди

Ўзбекистон волейбол федерацияси ҳамда вилоят жисмоний тарбия ва спорт бошқармаси ташаббуси билан Ўзбекистон Республикаси давлат мустақиллигининг 28 йиллигига бағишлаб ўтказилган мусобақада 2001 йилда туғилган ва ундан кичик ёшдаги ўғил болалар жамоалари иштирок этди.

Очиқ турнирда мезбонлардан ташқари Фарғона, Навоий, Самарқанд вилояти жамоалари, шунингдек, Наманган ва Жиззах вилоятларидан иккитадан жамоа ҳамда қўшни Қозоғистон Республикасидан келган 100 нафарга яқин спортчилар ғолиблик йўлида баҳс олиб боришди. 

Мусобақа якунида Навоий вилоят жамоаси бош совринни қўлга киритди. Қашқадарёлик волейболчилар иккинчи, Қозоғистон жамоаси учинчи ўринни эгаллади.

Сайнабиев Нурбек (Қашқадарё вилоят Жисмоний тарбия ва спорт бошқармаси матбуот котиби), Фахриддин Чориев, Қарши шаҳридан