25 мар 15:29
Янгиликлар

Волейбол

Қаршида волейбол бўйича “Олимпия чўққилари” мусобақаси бўлиб ўтмоқда

Қарши олимпия захиралари коллежида 2004-2005 ҳамда 2006 йилларда туғилган ва олимпия захиралари коллежларида таҳсил олаётган ўғил болалар ва қизлар ўртасида волейбол бўйича “Олимпия чўққилари” Ўзбекистон чемпионати ўтказиляпти.

Мусобақада Қорақалпоғистон Республикаси, Андижон, Фарғона, Наманган, Сирдарё, Навоий, Қашқадарё вилоятларидан келган ўғил болалардан иборат 7 та жамоа беллашаётган бўлса, қизлар ўртасида 4 та жамоа (Андижон, Наманган, Сирдарё, Хоразм) ғолиблик йўлида баҳсларга киришган.

"Олимпия чўққилари"дан жой олган мазкур чемпионатнинг тантанали очилиш маросими ҳам ташкил этилди. Беллашувлар 26 мартга қадар давом этади.