Қашқадарё ҳокими велосипедда шаҳар бўйлаб сайр қилди

Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ-6099-сонли фармони ижросини таъминлаш мақсадида аҳолининг барча қатламлари ўртасида «Велосайр» ва «Оммавий юриш» тадбирлари ўтказилди. 

Хабарга кўра, вилоят сектор раҳбарлари, корхона ва ташкилотлар бошлиқлари ҳамда аҳолининг барча қатламлари «Велосайр» ва «Оммавий юриш» тадбирларида иштирок этган.

Тадбир якунида раҳбарлар аҳоли фойдаланиши учун янгидан бунёд этилаётган 200 ўринлик велопаркка ўз велосипедларини совға қилиб кетишди. Бу каби соғломлаштириш тадбирлари вилоятимиз бўйлаб доимий ташкил этиб борилади.