29 дек 13:23
Янгиликлар

Бошқалар

Қашқадарёда ҳам «Янги йилга спорт билан!» оммавий спорт фестивали бошланди

Қашқадарё вилоятининг барча туман(шаҳар)ларида 2020 йил 30 октябрдаги Президент фармони ижросини таъминлаш мақсадида аҳоли ўртасида «Янги йилга спорт билан!» шиори остида оммавий спорт фестивалига старт берилди.

Қарши шаҳрида жойлашган марказий теннис корти шахмат мусобақаларига мезбонлик қилди. Унда 40 нафарга яқин ўғил-қиз иштирок этди. Якуний натижаларга кўра мусобақа ғолиб ва совриндорлари вилоят жисмоний тарбия ва спорт бошқармаси томонидан диплом ҳамда эсталик совғалари билан тақдирланишди.

Қарши олимпия захиралари коллежида эса вилоят жисмоний тарбия ва спорт бошқармаси ҳамда халқ таълими тизимида фаолият юритаётган ходимлар ва аҳоли иштирокида спортнинг арқон тортиш, тош кўтариш ва армрестлинг турлари бўйича мусобақалар ташкил этилди. Бу мусобақаларда 120 нафарга яқин иштирокчи фаол қатнашди ҳамда ўз кучларини яккалик ва жамоавий баҳсларда синовдан ўтказишди.

Оммавий спорт фестивали дастуридан ўрин олган стритбол ва Workaut йўналишларида 50 нафарга яқин ёшлар иштирок этди.