Қашқадарёда ногиронлиги бўлган шахсларни спортга жалб қилиш масалалари муҳокама қилинди

Унда Ўзбекистон Миллий паралимпия қўмитаси раиси маслаҳатчиси Анвар Мурсакулов, вилоят Ижтимоий ҳимоя миллий агентлиги, Тиббий ижтимоий эксперт комиссияси, “Инсон” ижтимоий хизматлар марказлари масъуллари ҳамда спорт таълим муассасалари раҳбарлари иштирок этди.

Йиғилишда ногиронлиги бўлган шахслар ўртасида паралимпия ва адаптив спорт турларини оммалаштириш, шунингдек, иқтидорли спортчиларни аниқлаш, танлаш ва саралаш (селекция) масалалари танқидий таҳлил қилинди.

Йиғилиш якунига кўра, ҳудудлардаги мавжуд имкониятлар ва хусусиятлардан келиб чиққан ҳолда, ногиронлиги бўлган шахсларни жисмоний тарбия ва спортга қамраб олиш бўйича вилоятдаги барча 14 та туман ва 2 та шаҳарнинг алоҳида дастури ишлаб чиқилиши белгилаб берилди.