Қашқадарёда Президент ташаббуси билан самбо зали қуриб битказилди ва фойдаланишга топширилди + ФОТО

Спортчилар орасида самбо бўйича Сербиядаги жаҳон чемпионати ғолибаси Мушарраф Ибодуллаева ҳам иштирок этганди. Суҳбат вақтида Мушарраф давлат раҳбаридан Яккабоғ туманида самбо зали қурилишини сўраганди. Ўша ернинг ўзида Шавкат Мирзиёев масъулларга ушбу масала юзасидан топшириқ берганди. 

Ушбу топшириқ доирасида Қашқадарё вилояти Яккабоғ туманида самбо билан шуғулланиш учун махсус спорт зали қуриб битказилди. 

Куни кеча мазкур замонавий спорт залининг тантанали очилиш маросими бўлиб ўтдиўтди. Очилиш маросимида жамоат арбоблари, маҳаллий ҳокимлик вакиллари ва спортчилар иштирок этишди. 

Эндиликда яккабоғлик самбога қизиқувчи ёшларимиз мазкур спорт залига келиб, самбо сир-асрорларини ўрганишлари мумкин бўлади. Албатта келажакда ушбу спорт залидан янги Мушарраф Ибодуллаевалар, Гулхаё Жўраевалар етишиб чиқади деган умиддамиз!

Фурсатдан фойдаланиб бутун Ўзбекистон халқига, хусусан Яккабоғлик спортчиларимизга янги йилга шундай совға тақдим этилгани учун Мухтарам Президентимизга, Ўзбекистон Республикаси туризм ва спорт вазирлигига ўз миннатдорчилигимизни билдириб қоламиз!

Ўзбекистон самбо ассоциацияси матбуот хизмати