Қашқадарёда спорт тадбирлари давом этмоқда

Жумладан, Қарши шаҳрида жойлашган сунъий қопламали мини-футбол майдонида вилоят жисмоний тарбия ва спорт бошқармаси, футбол ассоцасияси ҳамда вилоят карлар жамияти ташаббуси билан вилоятдаги имконияти чекланган аҳоли (кар-соқов) ўртасида мини-футбол бўйича вилоят биринчилиги мусобақаси бўлиб ўтди.

Мазкур мусобақада имконияти чекланган аҳоли вакилларидан ташкил топган, вилоятдаги барча туман (шаҳар)ларнинг биттадан, жами 15 та жамоаси иштирок этди ва ғолиблик учун майдонда тўп тепишди.

Ўзгача руҳда бўлиб ўтган мусобақада барча рақибларини доғда қолдирган Қарши шаҳри жамоаси 1-ўринни, 2-ўринни Косон тумани жамоаси қўлга киритган бўлса, фахрли 3-ўринни Нишон тумани жамоаси эгаллади.

Беллашувлар сўнггида ғолиб ва совриндор жамоалар ташкилотчилар томонидан муносиб тақдирланишди.

Илҳом РАҲМОНОВ тайёрлади