Qatar ExxonMobil Open. Энди Маррей фаолиятида 71-бор АТР турнири финалига чиқди

АТР рейтингида 70-ўринни эгаллаб турган британиялик Энди Маррей Қатардаги турнирнинг 1/2 финалида жаҳоннинг 52-ракеткаси чехиялик Жири Лехечкага қарши баҳс олиб борди. 

2 соату 31 дақиқа давом этган учрашувда Маррей рақибини 6/0, 3/6, 7/6(6) ҳисобида мағлуб этиб, турнир финалига йўл олди. Ушбу баҳс теннисчиларнинг биринчи расмий учрашуви бўлди. 

Британиялик теннисчи ўтган йили июнь ойида Штутгартдаги турнирдан кейин илк бор АТР турнири финалига чиқди. Умуман олганда, бу Маррей учун 71-финал бўлади (46 та чемпионлик). Қатардаги турнир финалида Маррей жаҳоннинг 8-ракеткаси россиялик Даниил Медведевга қарши баҳс олиб боради.