Қаторасига тўртта жангни нокаут билан якунлаган "панчер" Камару Усманга "вызов" ташлади

Яримўрта вазн тоифасида нигериялик Камару Усман чемпионлик камари соҳиби бўлиб турибди.

"Леон Эдвардсдан олдин чемпионлик жангида октагонга чиқишга лойиқманми ёки йўқ, очиғи, буни билмайман. Лекин шуниси аниқки, айни пайтда яримўрта вазнда мухлисларбоп жанг намойиш этаётганлар орасида яққол ажралиб турибман. Мен ҳар бир жангимни муддатидан аввал якунлаяпман. Аммо, ҳали чемпион билан жанг қилмаган ТОП-5даги ягона жангчи ҳам айнан менман. Нималарга қодир эканимни исботлаб улгурдим, деб ўйлайман. Олдинда Камару Усманни Колби Ковингтонга қарши жанг кутмоқда. Ишончим комил, у бу жангда ғалаба қозонади. Кейинги рақиб эса мен бўлишим керак", - деди Луке.  

Эслатиб ўтамиз, Висенте Луке ўтган куни Майкл Кьесани биринчи раунднинг ўзида мағлубиятга учратган эди. Камару Усман - Колби Ковингтон жанги эса 6 ноябрь куни Нью-Йоркда ўтказиладиган UFC 268 турнири доирасида бўлиб ўтади.