Қиличбоз Зайнаб Дайибекова йилнинг энг яхши ёш спортчиси бўлди

Ўзбекистон Республикаси Жисмоний тарбия ва спорт вазирлиги ҳамда Ўзбекистон Миллий олимпия қўмитаси томонидан ташкил қилинган мазкур тадбирда ўтиб бораётган йил давомида спортимиз ривожи йўлида меҳнат қилган энг яхши атлет ва мураббийлар, федерация, ҳакам, спорт мутасаддилари, журналист ва масъул ташкилотлар жами 20 га яқин номинация бўйича тақдирланишди. 

Ушбу нуфузли мукофотга сазовор бўлганлар орасида қиличбозлик спорти сабля йўналишида эришган спорт натижалари учун Зайнаб Дайибекова “Йилнинг энг яхши ёш ва истиқболли спортчиси” номинацияси ғолиби бўлди.

Биз йилнинг энг яхши истиқболли спортчилар қаторидан ўрин олган Зайнабни ушбу мукофот билан қутлаймиз. Кириб келаётган янги йилда ҳам барча қиличбозларга янада ёрқин спорт ютуқларини тилаб қоламиз.