31 окт 19:28
Янгиликлар
Қиличбозлик
Қиличбозимиз Москвадаги турнирда олтин медаль қўлга киритди
Хабар бериб ўтганимиздек, шу кунларда Москва шаҳрида қиличбозлик бўйича кадетлар ўртасида "Юность Москвы" Россия очиқ турнири бўлиб ўтмоқда.
Мусобақада маҳаллий россиялик қиличбозлардан ташқари Ўзбекистон, Қозоғистон ва Украинадан ҳам ёш қиличбозлар совринли ўринлар учун кураш олиб боришмоқда.
Кеча рапира йўналишида ҳамюртимиз Муҳаммадюсуф Асранов бронза медалига сазовор бўлганди.
Бугун сабля беллашувларида Пазилбек Генжебаев барча рақибларини мағлуб этган ҳолда олтин медалга сазовор бўлди.
Мусобақада шунингдек бошқа бир спортчимиз Азизбек Даулетназаров ҳам иштирок этди, аммо у совриндорлар қаторидан ўрин ола билмади. Мазкур йўналишда ғолиблик учун 102 нафар қиличбоз кураш олиб борди.
Ҳавола :
Манба : olamsport.com
Фикрлар