Қиличбозларга спорт анжомлари топширилди + ФОТОГАЛЕРЕЯ

Кеча жойлардаги қиличбозлик бўлинмаларини ва спортчиларни қўллаб-қувватлаш мақсадида уларга керакли спорт анжомлари, жиҳозлар ва экипировкалар тантанали равишда топширилди. 

Биринчи босқич (жорий йил август ойи)да қиличбозлик федерациясининг жойлардаги минтақавий спорт бўлиммаларига, жумладан Қорақалпоғистон республикаси, Тошкент, Жиззах, Сирдарё вилоятларига қиличбозлик спорти махсус кийимлари, қиличбозлик йўлакчалари ва бошқа жихозлар берилган эди.

Кеча ҳомийлар томонидан топширилган қиличбозлик спорт анжомлари ушбу бошланган ҳайрли ишнинг иккинчи босқичи ҳисобланади. Андижон, Бухоро, Қашқадарё, Навоий, Самарканд, Фарғона, Наманган вилоятлари ҳамда Тошкент шаҳар бўлинмалари, Қиличбозлик миллий клуби вакилларига 19 ном ва турдаги  спорт анжомлари ва жиҳозлари, махсус кийимларнинг ҳадя этилгани, айни муддао бўлди.

Муаллиф - Алимурод Мамадаминов/olamsport.com