24 янв 11:34
Янгиликлар

Қиличбозлик

Қиличбозларимиз сабля йўналишидаги Жаҳон кубоги босқичида иштирок этишяпти

Болгариянинг Пловдив шаҳрида қиличбозликнинг сабля йўналиши бўйича Жаҳон кубоги босқичи бўлиб ўтмоқда.

Дунёнинг 39 давлатидан 400 нафардан зиёд спортчи иштирок этаётган мазкур мусобақада Ўзбекистон терма жамоаси аъзолари ҳам қатнашмоқда.

Ортда қолган кун аёллар ўртасида саралаш баҳслари ўтказилди. Унда ҳамюртларимиздан Фернанда Эррера 1/32 финал босқичига йўл олди. Шунингдек, мусобақанинг сараланган 16 спортчисидан бири Зайнаб Дайибекова ушбу босқичдан медаллар учун курашга қўшилади. Плей-офф баҳслари 26 январь куни бўлиб ўтади. Бугун кун давомида Муса Аймуратов, Исламбек Абдазов ва Зуҳриддин Қодиров саралаш баҳсларида жанг қилиши белгилаб қўйилган.

Шунингдек, бугун Қатар мезбонлик қиладиган шпага бўйича Гран-при турнири ҳам старт олади. Унда дастлабки кун қизлар ўртасидаги саралаш баҳслари ўтказилади.