Қиличбозлик. Тошкентда халқаро «Satеllitе» турнири старт олди

Ушбу нуфузли мусобақада Россия, АҚШ, Италия, Сингапур, Малайзия, Филиппин, Бразилия, Туркия, Грузия, Хитой (ХХР), Афғонистон, Озарбайжон, Қозоғистон, Қирғизистон каби 15 яқин мамлакатларнинг энг кучли спортчилари иштирок этмоқда. 

Таъкидлаш керакки, мазкур мусобақалар яккалик бахсида бўлиб утади. Беллашувларда жами 50 нафар қиличбозлар ўзаро куч синашади, шундан  28 нафари йигитлар ва 22 та қизлар.

Аввал хабар берилганидек, мазкур Satеllitе халқаро турнири 2019 йил 5-6 сентябр кунлари қиличбозликнинг рапира ва 7-8 сентябр кунлари шпага йўналишлари бўйича, шунингдек, 9-10 сентябр кунлари Марказий Осиё қиличбозлик конфедерациясининг очиқ Чемпионати (катта ёшлилар орасида) қиличбозликнинг барча турлари бўйича ўтказилади. 

Эслатиб ўтамиз мазкур мусобақалар Гимнастика бўйича Республика болалар ва ўсмирлар олимпия заҳиралари спорт интернат-мактабида бўлиб ўтади. Мусобақалар ҳар куни эрталаб соат 10:00 да бошланади.

Ўзбекистон қиличбозлик федерацияси матбуот хизмати