22 янв 18:40
Янгиликлар

Қиличбозлик

Қиличбозлик.Тошкентда ёшлар ўртасида Ўзбекистон чемпионати бошланди

Бугун, 22 январь куни пойтахтимизда қиличбозлик бўйича ёшлар ўртасида Ўзбекистон чемпионати старт олди.

Мусобақада Республикамизнинг турли ҳудудларидан 300 нафардан зиёд ёш спортчилар совринли ўринлар учун кураш олиб борадилар. Беллашувлар қиличбозликнинг ҳар уччала (рапира, сабля, шпага) йўналишида ташкил этилади. Қиличбозлар яккалик ва жамоавий баҳсларда иштирок этадилар.

Баҳсларда кучли учликка кира олган спортчилар медаль, диплом ва қимматбаҳо совғалар билан тақдирланишади. Чемпионат 27 январга қадар давом этади.