02 июн 18:42
Янгиликлар

Стол тенниси

Қизларимиз финал йўлланмасини қўлга киритишди

Аввалроқ, Ўзбекистон ўсмир қизлар терма жамоаси Қозоғистоннинг Олмаота шаҳрида стол тенниси бўйича ёшлар ўртасида ўтадиган Осиё чемпионатига чиқиш учун Марказий Осиё саралаш турнирининг ярим финалга йўл олгани ҳақида хабар берган эдик.

Ярим финалда жамоамиз Эрон вакилларига қарши баҳс олиб боришди. Қизиқарли кечган баҳсларда қизларимиз рақибларини 3:1 ҳисобида мағлуб этишни уддалашди ва финалга йўл олишди.

Шу тариқа, Ўзбекистон ўсмир қизлар терма жамоаси Осиё чемпионатига йўлланмани нақд қилишди.

Бу натижа билан терма жамоамизни табриклаб қоламиз!

Ҳавола :

Манба : olamsport.com

Рейтинг: