19 июл 20:17
Янгиликлар

Гимнастика

Қойил! Тахмина Икромова мусобақадаги учинчи медалини қўлга киритди

Германиянинг Рейн-Рур шаҳридан хушхабарлар келишда давом этади.

Бироз аввал бадиий гимнастикачимиз Тахмина Икромова Ёзги Универсиада ўйинларидаги ўзининг учинчи, Ўзбекистон спорт делегациясининг эса тўртинчи медалини қўлга киритди.

Париж-2024 Олимпиадаси иштирокчиси бўлган вакиламиз булава баҳсларида 27.900 балл билан кумуш медалга сазовор бўлди. Нейтрал мақомда қатнашаётган беларуслик гимнастикачи Алина Харнашко 29.550 балл билан олтин медалга эга чиқди. Беларусь терма жамоасининг яна бир аъзоси Анастасия Салос бронза медали билан тақдирланди.