Тахмина Икромова Жаҳон кубогида иккита медаль қўлга киритди

Нуфузли халқаро мусобақада Ўзбекистон терма жамоаси аъзоси Тахмина Икромова муваффақиятли иштирок этиб, якка дастурлар бўйича иккита бронза медал соҳибига айланди.

Спортчимиз ҳалқа дастури финалида учинчи ўринни эгаллаб, бронза медални қўлга киритди. Шунингдек, тасма дастури финалида ҳам муваффақиятли чиқиш қилиб, яна бир бронза медал билан тақдирланди.

Мазкур натижа Ўзбекистон бадиий гимнастика мактабининг халқаро майдондаги навбатдаги ютуғи бўлиб, мамлакатимиз спортчиларининг юксак тайёргарлиги ва маҳоратини яна бир бор намоён этди.