Қозоғистон Токио Олимпиадасидаги илк медалини қўлга киритди

Бугун Токиода 2020 йилги Олимпия ўйинларида дзюдо мусобақалари бўлиб ўтмоқда, 60 кг вазн тоифасида қозоғистонлик спортчи Елдос Сметов медаллар учун кураш олиб борди.

Рио-2016 Олимпиадасининг кумуш медаль соҳиби Сметов дастлабки босқичда туркиялик спортчи Михраж Аккуш устидан тезкор ғалаба қозонди, сўнг Жанубий Корея вакили Ким Вон Жинни мағлуб этди ва ярим финалдаги кескин баҳсда япониялик Наоҳиса Такатога имкониятни бой берди.

Учинчи ўрин учун курашда Елдосга голландиялик Торнике Чакадуа рақиблик қилди. Қарама-қаршиликнинг натижаси Сметовнинг ғалабаси билан якунланди. Шундай қилиб, Елдос Сметов бронза медалини қўлга киритди ва Қозоғистонга ХХII Ёзги Олимпия ўйинларидаги биринчи медалини тақдим этди.